ФЕНИ ИНДУСТРИ - СВИССЛИОН ТАКОВО 70:75

( 23-19, 20-24, 15-15, 12-17)

Сала "Јасмин" - Кавадарци. Гледачи: 1800. Судии: Гологанов, Томов, Теков, сите од Бугарија. . Делегат: Марјан тодоровски , Македонија.

Играч п 3п 2п 1п ск. ас. мин. Играч п 3п 2п 1п ск. ас. мин.

Манев - - - - - - 0:00 Поповиќ 2 0/2 0/0 2/2 2 0 11:40

Прековиќ 8 0/5 3/3 2/2 3 3 27:34 Влашковиќ 7 1/1 2/2 0/0 0 0 9:16

Соколов 8 0/1 2/2 4/5 2 0 22:14 Марковиќ 11 1/4 3/6 2/3 3 1 32:42

Браун 12 0/1 4/5 4/4 3 1 26 30 Јоровиќ 10 0/4 4/6 2/2 6 0 31:23

Кол 7 0/2 2/4 3/6 5 0 29:36 Оцокољиќ 15 1/5 4/5 4/4 3 3 31:41

Чековски 10 2/5 2/3 0/2 1 2 27:12 Касабашиќ 0 - - - - 4:44

Димитровски - - - - - - Мијатовиќ - - - - - - 0

Гоцевски 9 0/0 3/4 3/4 2 1 20:53 Марјановиќ 18 0/0 8/11 2/6 0 3 22:59

Ѓуров 5 1/3 1/2 0/0 3 1 15:00 Ковачевиќ - - - - - 3:35

Баснарков - - - - - 0 Кнежевиќ 7 0/0 3/4 1/2 2 0 17:00

Михајловски 4 0/0 2/2 0/0 0 0 2:16 Јевџиќ 5 1/3 1/2 0/0 3 0 35:00

Самарџиев 7 1/6 1/1 2/2 5 2 28:35

Вкупно: 70 4/23 20/26 18/25 24 10 200 Вкупно: 75 4/19 25/36 13/19 20 7 200

Македонскиот шампион немаше среќа во борбата против екипата на Свисслион Таково која одигра со најсилното оружје на кавадарчани и која успеа да изнуди премногу грешки на домашната екипа. Фени Индустри го заработи првиот пораз од силниот тим од Вршац од 75:70.

Во салата "Јасмин" се судрија две екипи кои многу повеќе мислат на својата одбрана отколку на нападот, а во оваа борба на крајот посреќни излегоа гостите. Фени Индусти направи премногу технички грешки кои се недозволиви на вакви натпревари кога противникот игра подеднакво цврста одбрана. Првата четвртина им припадна на домашните, но гостите со иста мера вратија во вториот период па на полувреме се замина со егал резултат 43:43.

Слично беше и на крајот од третата четвртина па во последните 10 минути двете екипи влегоа без предност 58:58.

Во тактичкото надмудрување домашниот тим прв успеа да "се одлепи"на четири поени 66:62, но гостите направија серија од 10:0 и дојдоа од позитива од 10 поени (66:72) и тоа во 38 . минута.

Во ситуација кога мораа да бркаат разлика и среќата им го сврте грбот на кавадарчани на кои ништо не им одеше од рака, а најмногу реализацијата од поле. Во клучните моменти гостите многу постабилни и на крајот заслужено славеа победа од пет поени разлика. Мора да ја споменеме судиската тројка од Бугарија, која во одредени моменти немаше подеднаков режим за двете екипи па токму во клучните моменти дозволи малку погруба игра под обрачот на гостите од Вршац, а на спротивната страна речиси секој допир го санкционираа со прекршок. Од статистичка гледна точка Фени одигра слабо под обрачите каде првите центри, Чековски и Гоцевски, забележаа само три скока на целиот натпревар.

Во моментите кога се кршеше резултатот гостите собраа неколку топки под обрачот на Фени Индустри при што и поентираа, а кавадарчани во трка со времето и резултатот со избрзани шутеви од поле не успеаја да направат пресврт. Колку двете екипи повеќе размислуваа на сопствената одбрана доволно зборува податокот што во првото полувреме и двете екипи постигнаа по 43 поени, додека во вториот дел Фени Индустри не успеа да ја префрли границата од 30 поени, што на крајот се покажа како клучно за првиот пораз во Еврохолд БИБЛ лигата.

(Извор: Македонски Спорт - М. Виденовиќ)